Policia e Korçës, në bashkëpunim me atë të Bilishtit kanë goditur një tjetër rast të transportimit të shtetasve të huaj, me qëllim kalimin e paligjshëm të tyre drejt vendeve të BE-së, duke arrestuar në flagrancë dy vëllezër, të dy banues në Tiranë.
Në pranga ranë 53-vjeçari A. Ç., 53 vjeç dhe 46-vjeçari B.Ç ,i dënuar më parë për veprën penale “Prodhimi dhe shitja e narkotikëve”.
Ata u kapën me një mjet tip “Renault” duke transportuar në drejtim të Tiranës, katër shtetas të huaj, kundrejt fitimit 400 euro në total, shumë e cila u sekuestrua në cilësinë e provës materiale.
Materialet i kaluan Prokurorisë pranë Gykatës të Shkallës së Parë Korçë, për veprën penale “Ndihma për kalim të paligjshëm të kufijve, kryer në bashkëpunim”./Opinion.al
