Një nëndetëse e përdorur nga turistët për të parë rrënojat e Titanikut është zhdukur në Oqeanin Atlantik.
Sipas mediave të huaja, gjurmët e nëndetëses u zhdukën dhe menjëherë pas kësaj ka nisur një mision kërkimi dhe shpëtimi.
Roja Bregdetare e Bostonit i tha BBC-së se ishte duke u zhvilluar një operacion oër gjetjen e nëndetëses.
Nuk është e qartë se sa njerëz ndodheshin në bord në kohën kur u zhduk.
Nëndetëset e vogla herë pas here marrin turistë dhe ekspertë që paguajnë për të parë rrënojat e Titanikut.
Udhëtimet shumëditore në rrënojat kushtojnë dhjetëra mijëra dollarë dhe një zhytje në Titanik, duke përfshirë zbritjen dhe ngjitjen, thuhet se zgjat rreth tetë orë.
Anija e famshme ndodhet 3,800 metra (12,500 këmbë) në fund të Atlantikut. Është rreth 600 km (370 milje) nga brigjet e Newfoundland, Kanada.
Anija e pasagjerëve, e cila ishte anija më e madhe e kohës së saj, goditi një ajsberg në udhëtimin e saj të parë nga Southampton në Nju Jork në vitin 1912. Nga 2,200 pasagjerë dhe ekuipazhi në bord, më shumë se 1,500 vdiqën.
Titaniku është eksploruar gjerësisht që nga zbulimi i rrënojave në 1985./Opinion.al
