Më herët gjatë ditës së sotme, Gazment Bardhi ndau një foto dhe tha se Garda po bën prova për të rrethuar sallën e Parlamentit.
Kjo solli edhe reagimin nga Kuvendi i Shqipërisë, duke mohuar pretendimin e Bardhit. Sipas Kuvendit, kryeparlamentarja nuk ka dhënë asnjë urdhër për masë të veçantë.
Bardhi ka reaguar sërish, duke thënë se Kuvendi ka shpërndarë një lajm të rremë. Ai deklaron se fotoja e publikuar është bërë sot, ku forcat speciale të Gardës po ushtronin planin për rrethimin e deputetëve të opozitës.
Sipas tij, Lindita Nikolla nuk jep urdhra, ajo vetëm zbaton atë që urdhëron Edi Rama.
“Kuvendi ka shpërndarë një lajm të rremë për mungesën e masave të posaçme autoritare për seancën e të hënës. Foto e publikuar është bërë sot, ku forcat speciale të Gardës po ushtronin planin për rrethimin e deputetëve të opozitës, në një akt të paprecedent në këto 32 vjet.
Ka një keqkuptim me reagimin tim dhe për këtë “burimi anonim” i medias ka të drejtë: Lindita nuk jep urdhra, ajo vetëm zbaton atë që urdhëron Edi Rama! E vetmja detyrë e saj është të hap dhe mbyll derën e zyrës!”,-shkruan Bardhi.
