Një punonjës i bashkisë Elbasan, ka rënë nga vinçi ndërsa po riparonte llambat elektrike.
Mësohet se 56-vjeçari i cili po punonte për riparimin e llambave elektrike të ndriçimit, është rrëzuar nga vinçi dhe është dërguar menjëherë në spital.
“Elbasan/Informacion paraprak
Rreth orës 12:00, shtetasi E. B., 56 vjeç, punonjës i bashkisë Elbasan, gjatë punës mbi vinç, për riparimin e llambave elektrike në shtyllat e ndriçimit, në lagjen “5 Maji”, dyshohet se për shkak të një defekti në vinç, është rrëzuar dhe për pasojë është dëmtuar.
56-vjeçari është në spital, në kujdesin e mjekëve”, njofton policia.
Grupi hetimor po punon për zbardhjen e plotë të rrethanave.
