Efektivët e Batalionit të Transportit dhe Batalionit të Xhenios në kryeqytet po punojnë për largimin e dherave në Lanabregas, ndërsa një tjetër operacion është duke u zhvilluar në Linzë-Tufinë për pastrimin e rrugëve.
Ndërkohë, në Vlorë, Baza e Mbështetjes dhe Emergjencave Civile dhe Batalioni i Xhenios po vijojnë operacionin për tërheqjen e ujërave dhe pastrimin e kanaleve kulluese.
Lajmi është bërë i ditur nga Ministri i Mbrojtjes, Pirro Vengu i cili njoftoi se në hidrovorin e Vlorës, efektivët po punojnë me mjete dhe motopompa për të thithur dhe shkarkuar ujërat e shumta.
“Në kryeqytet, efektivët e Batalionit të Transportit dhe Batalionit të Xhenios po punojnë për largimin e dherave në Lanabregas, ndërsa një tjetër operacion është duke u zhvilluar në Linzë-Tufinë për pastrimin e rrugëve. Puna vijon pa ndërprerje me përdorimin e mjeteve për të normalizuar situatën në këto zona.
Ndërkohë, në Vlorë, Baza e Mbështetjes dhe Emergjencave Civile dhe Batalioni i Xhenios po vijojnë operacionin për tërheqjen e ujërave dhe pastrimin e kanaleve kulluese.
Në hidrovorin e Vlorës, efektivët po punojnë me mjete dhe motopompa për të thithur dhe shkarkuar ujërat e shumta, duke shmangur rrezikun që prurjet e mëdha paraqesin për lagjet pranë hidrovorit. Puna vijon pandërprerë edhe sot”, shkruan Vengu.
