Shërbimi i Sigurisë së Ukrainës (SBU) thotë se ka arrestuar një informatore ruse e cila po përgatiste një sulm ajror rus në rajonin e Mykolaiv gjatë vizitës së Presidentit të Ukrainës, me qëllimin për t’i marrë jetën këtij të fundit.
Informatorja “në prag të udhëtimit të fundit të Presidentit të Ukrainës në rajonin e Mykolaiv, po mblidhte informacione rreth vizitës së planifikuar”, tha SBU.
Presidenti ukrainas Volodymyr Zelensky ishte në rajon në fund të korrikut.
SBU tha në një deklaratë se e dyshuara”u përpoq të përcaktonte kohën dhe listën e vendndodhjeve të rrugës së përafërt të Kreut të Shtetit në territorin e rajonit”.
Megjithatë, agjentët e SBU kishin marrë informacion në lidhje me “aktivitetet e të dyshuarës” dhe kishin marrë masa shtesë sigurie.
Në monitorimin e komunikimeve të gruas, SBU kishte konstatuar se ajo kishte për detyrë të identifikonte vendndodhjen e sistemeve të luftës elektronike dhe magazinat me municione të forcave të armatosura.
Sipas hetimeve, autorja ishte një banor në Ochakov, në jug të Ukrainës, dhe një ish-shitëse në një dyqan ushtarak në territorin e një prej reparteve ushtarake të rajonit.
Ajo dyshohet se udhëtoi nëpër territorin e rrethit dhe filmoi vendndodhjet e objekteve ukrainase.
Emri i gruas nuk është bërë i ditur./Opinion.al
