Ish-ministri i Brendshëm, Saimir Tahiri, i ka kërkuar prokurorëve të pranishëm në komisionin e Këshillit të Mandatëve, provat se ku ka dalë me Habilajt.
Tahiri tha se ju duhet të më ktheni një përgjigje për çështjen në fjalë, pasi sipas këtyre akuzave ai mund të shkojë në burg.
Tahiri: Në këto 4 udhëtime rezulton që Saimir Tahiri ka qenë i shoqëruar nga subjekte të tjera Artan Habilaj, etj. Kush janë këta etj? Se unë po shkoj në burg për këtë. Dua të di me kë kam qenë jashtë?
Pyetja e dytë, a thoni këtu pa asnjë hije dyshimi që unë kam dalë me këta persona, më jepni po apo jo? Unë tims-in e kam këtu. Më thoni Po ose Jo? Kjo është themelore për vërtetësinë, sepse ky komision do vendosë që unë do shkoj apo jo në burg.
Këshilli i Mandateve dhe Rregulloreve është mbledhur këtë paradite për kërkesën e Prokurorisë së Krimeve të Rënda për heqjen e imunitetit të Saimir Tahirit dhe dhënien e autorizimit për arrestimin e tij.
Vetë ish-ministri i Brendshëm është i pranishëm në këtë mbledhje, por do të jetë avokati i tij Artan Hadaraj që do të flasë për të. Ndërsa organi i akuzës është përfaqësuar nga kreu i Prokurorisë së Krimeve të Rënda, Besnik Hajdarmataj.
Ai kërkoi që mbledhja të zhvillohej me dyer të mbyllura, për shkak të sekretit hetimor, por kjo kërkesë nuk u pranua nga Këshilli dhe mbledhja vijoi me dyer të hapura.
Teksa Hajdarmataj argumentoi kërkesën e tij se bëhet fjalë për heqjen e imunitetit të deputetit, teksa një pjesë të dokumenteve nuk pranoi t’i bëjë publike për median.
