Një mbledhje urgjene është thirrur sot në Kryeministri me rastin e përmbytjeve në gjithë vendin. Në këtë mbledhje u bë përpara kryeministrit Rama raportimi për gjendjen dhe situatën nga reshjet. Në fjalën e tij Kryeministri Rama u shpreh se “duhet të ketë angazhim për të përballuar këtë situate”.
Deri më tani nga ajo që u raportua në këtë mbledhje nga Kreu i Emergjencave Civile Shemsi Prençi: Janë evakuuar 40 familje në Paskuqan. Në Mat janë bllokuar 3 familje, ka patur ndërprerje të mësimit në disa shkolla për shkak të përmbytjeve të ambienteve. Po ashtu ka pasur rrëshkitje të dherave në rrethin e Kukësit dhe janë bllokuar disa rrugë, ka pasur bllokim rrugësh në rrethin e Gjirokastrës. Janë rreth 50 forca të ushtrisë me mjete lundruese dhe të rënda në teren.
