Gjykata e Tiranës ka nisur dhënien e masave të sigurisë për 8 të ndaluarit nga Prokuroria për abuzim me fondet e Ministrisë së Punëve, midis të cilëve edhe ish-Ministrin e Punëve dhe Çështjeve Sociale, Spiro Ksera. I pari që ka dalë përpara gjykatësve ka qenë Artevis Mene, ish-punonjës i ministrisë në kohën kur ky dikaster drejtohej nga Ksera, i cili është lënë në masën “Arrest me burg” edhe pse avokati i tij ka kërkuar një masë më të lehtë atë të “arrest shtëpie”.
Ndërkohë Elda Kozaj 31 vjeçe, lindur ne Fier dhe banuese në Tiranë, ish-punonjëse në Ministrinë e Kserës, e dyshuar për veprën penale të shpërdorimit të detyrës; Pranvera Lile 58 vjeç, lindur në Gjirokastër dhe banuese në Tiranë, ekonomiste në Shoqërinë “Shpresa” sh.p.k, si e dyshuar për veprën penale të falsifikimit të dokumenteve, janë lënë në masën “Detyrim paraqitje”. Ndërkohë që pas pak minutash pritet masa edhe për ish ministrin Ksera.
