Policia hungareze ka gjetur 17 emigrantë të bllokuar në një kamion me targa turke pranë kufirit jugor.
Sipas mediave të huaja, automjeti nuk ishte i pajisur me ventilimin e duhur dhe për këtë arsye personat e bllokuar po asfiksoheshin, prandaj kanë pasur nevojë për ndihmë urgjente mjekësore.
Bëhet me dije se 16 prej emigrantëve ishin nga Egjipti dhe një nga Libia.
Policia në faqen e tyre të internetit, ka thënë se falë shpejtësisë së lokalizimit të mjetit nga një njoftim nga autoritetet rumune u kishte shpëtuar jetën emigrantëve të bllokuar.
Lokalizimi i mjetit, sipas informacioneve është bërë të enjten në afërsi të fshatit Kishtelek.
Kujtojmë se në shkurt, 18 emigrantë afganë u gjetën të vdekur në një kamion të braktisur në një rrugë të pasme pranë kryeqytetit bullgar të Sofjes.
Mijëra njerëz që ikin nga lufta dhe varfëria në Lindjen e Mesme, Afrikë dhe Azi bëjnë udhëtimin tokësor nëpër Ballkan për në Evropë. Hungaria kishte ndërtuar një gardh në kufirin e saj jugor me Serbinë, por rruga përmes Hungarisë për në Evropën Perëndimore mbetet një rrugë e njohur për migrantët./Opinion.al
