Një 2-vjeçare nga Dibra është dërguar në spital në gjendje të rëndë pasi është rrëzuar nga shkallët e pallatit.
Ajo ishte duke luajtur në shkallët e katit të dytë, kur është rrëzuar duke marrë lëndime serioze.
Familjarët e kanë transportuar menjëherë në spital, ndërsa mësohet se gjendja e saj është e rëndë.
“Më datë 16.05.2018, është aksidentuar duke luajtur në shkallët e katit të dytë në banesën e saj, shtetasja e mitur H.B, vjeç 2 e cila ndodhet në spital, në gjendje të rëndë. Materialet u referuan në Prokurorinë Pranë Gjykatës së Shkallës së Parë Dibër, për ngjarje aksidental”, thuhet në njoftimin e policisë.
