Lajmi se Princ Leka dhe Elia Zaharia i kanë dhënë fund martesës së tyre po qarkullon prej kohësh ne media.
E duket se këto zëra po shtohen pasi aktorja Elia Zaharia ka uruar Vitin e Ri me një foto me familjen e saj, pa praninë e princit.
‘Të dashur miq, ju uroj nga zemra Gëzuar Vitin e Ri 2024! Lutem për një vit sa më të mbarë për ju e familjet tuaja, një vit ku të mbizotërojë harmonia dhe toleranca, dashuria dhe falja, mirëkuptimi dhe shpresa! Uroj për çdo fëmijë në këtë natë ndërrimi vitesh, të ketë përpara një pjatë të ngrohtë, një dhuratë, dhe një përqafim plot dashuri!’- shkruan Elia Zaharia.
Edhe Princ Leka postoi kartolinën e fundvitit duke u shfaqur vetëm me vajzën Geraldina.
