Mosha mbi të 60-at shoqërohet me ndjesi dhe emocione të ndryshme, te njerëz të ndryshëm.
Disa e konceptojnë si momentin për t’i dhënë një ritëm më të ngadaltë aktiviteteve të tyre, ndërsa për disa të tjerë nuk aspak mosha e plakjes. Këta të fundit janë gjithmonë në kërkim të një jete të mbushur me kënaqësi shpirtërore.
Ja disa mënyra si mund ta arrini:
Kaliumi. – Qëndroni të fortë në pleqëri me konsumimin e mjaftueshëm të kaliumit, të cilin mund ta gjeni në patate dhe perime të gjelbra, por edhe banane dhe papajë. Njerëzit më të vjetër, që bëjnë kujdes në ushqim dhe konsumimin e kaliumit kanë muskuj shumë më të mirë se ata që nuk ia vënë veshin kësaj. Përpiquni që të paktën dy herë në ditë të keni ndonjë shujtë të pasur me kalium.
Forcat “B” dhe “D” për plakje të shëndetshme. – Për shëndetin e trurit është i rëndësishëm konsumimi i vitaminës B12, të cilën mund ta gjejmë në frutat e detit dhe mish pule. Megjithatë, vitaminat e grupit B mund t’i konsumoni edhe përmes tabletave, çka edhe rekomandohet sepse disa njerëz më të moshuar se 65 vjeç më vështirë e absorbojnë B12-shin nga ushqimi. Përveç kësaj, e rëndësishme është edhe vitamina D. Ajo është mbrojta më e mirë nga shumë sëmundje “të moshës”. Hulumtimet tregojnë që kjo vitaminë mund të ndihmojë tek sëmundjet kardiovaskulare, tensioni i lartë i gjakut dhe disa sëmundje auto-imune. Prandaj këto vitamina janë shumë të rëndësishme për plakjen e shëndetshme.
“Vitet e arta” me peshk. – Peshku që është i pasur me acidet yndyrore omega 3 është edhe një gjë në të cilën duheni të bëni kujdes. Keni nevojë për sa më shumë ushqime të tilla, sepse kështu reduktoni mundësinë nga sulmi në tru dhe dementia. Synoni që të paktën dy shujta në javë të përmbajnë “peshk omega 3”.
Shoqërimi. – Mos lejoni që plakja t’ju bëjë të largoheni nga shoqëria. Vetmia mund të përkeqësojë shëndetin tuaj dhe t’ju sjellë depresion, dhe me të edhe sëmundje.
