Një person i shpallur në kërkim nga policia është kapur në Vlorë në fshatin Kotë teksa po udhëtonte me makinë i armatosur.
Në pranga ka rënë 31-vjeçari me iniciale J.Z. Policia bën me dije se u arrestua edhe shoku i tij që ishte me të makinë, E.B. 34 vjeç. Ky i fundit akuzohet për moskallëzim krimi.
31-vjeçari J.Z., drejtues i mjetit, ishte i armatosur me pistoletë me krehër dhe municion luftarak.
Ai ishte në kërkim pasi ka masë sigurie “arrest në burg” nga Gjykata e Lushnjes për vjedhje me dhunë të kryer në bashkëpunim.
Materialet i kaluan Prokurorisë, për veprime të mëtejshme procedurale./Opinion.al
