Një aksident është regjistruar paraditen e sotme në autostradën Tiranë-Durrës.
Paraprakisht bëhet e ditur se një këmbësor është përplasur nga një kamionçinë teksa po tentonte të kalonte në anën tjetër të autostradës.
Mësohet se i plagosuri, është një person rreth të 70-ve. I moshuari u dërgua në spital për ndihmë mjekësore.
Sipas policisë drejtuesi i automjetit ka mundur të frenojë në kohë, por pa mundur të shmangë goditjen e këmbësorit. Nga ana e policisë vijon puna për sqarimin e plotë të rrethanave, ku paraprakisht thuhet se shkak është bërë pakujdesia e këmbësorit teksa po kalonte autostradën nga njëra anë në tjetrën.
