Nëntë persona, duke përfshirë dy fëmijë të vegjël, janë gjetur të vrarë në shtëpinë e tyre në qytetin lindor të Ukrainës, Volnovakha, të pushtuar nga Rusia.
Zyrtarët ukrainas thonë se ata besojnë se ushtarët rusë vranë të gjithë familjen Kapkanets më 27 tetor, sepse refuzuan t’u jepnin shtëpinë.
Hetuesit rusë thonë se dy të dyshuar meshkuj janë arrestuar, duke thënë se ata janë ushtarë rusë nga Lindja e Largët.
Ukraina dhe Rusia kanë nisur hetime të veçanta për sulmin.
Zyrtari ukrainas, Dmytro Lubinets tha se “duart e gjakosura të rusëve” ishin të përfshirë në vrasjet e Volnovakha.
“Sipas informacioneve paraprake, pushtuesit kanë vrarë të gjithë familjen Kapkanets, të cilët po festonin një ditëlindje dhe kishin refuzuar t’ua dorëzonin shtëpinë e tyre pushtuesve nga Çeçenia”, tha ai në Telegram.
Zyra e prokurorit të Donjeckut, e kontrolluar nga ukraina,, duke cituar informacione paraprake, tha se sulmuesit me uniforma ushtarake qëlluan për vdekje familjen pasi kërkesa e tyre për të liruar shtëpinë ishte refuzuar.
Dy fëmijë, të lindur në 2014 dhe 2018, ishin mes viktimave, shtoi zyra.
Komiteti zyrtar i Hetimeve të Rusisë i përshkroi të arrestuarit si ushtarë rusë nga Lindja e Largët e vendit, të cilët kishin nënshkruar kontrata me ushtrinë ruse.
