Pas mbledhjes me kryetarët e rretheve të Partisë Demokratike, Lulzim Basha ka dhënë një deklaratë për mediat ku ka bërë edhe batuta me gazetarët.
Ai ia ka marrë nga dora mikrofonin një gazetari, i cili mesa duket po ndjente të ftohtin që ka mbërthyer Shqipërinë sot.
“Po të dridhet mikrofoni nga i ftohti, ma jep mua këtu, e mbaj unë… lëshoje, lëshoje, e mbaj unë se po dridhesh… frikë nuk ke pse të kesh, frika vdiq më 16 shkurt”, i ka thënë Basha gazetarit.
Në fund të fjalës së tij, duke folur për valën e protestave dhe largimin e kryeministrit Edi Rama, Basha ka bërë sërish batutë duke thënë se: “Pushteti duhet t’i përkasë popullit dhe gazetarëve të ndershëm, të cilët nuk duhet të dridhen as nga frika dhe as nga i ftohti”.
Lulzim Basha njoftoi sot se çdo të enjte Partia Demokratike do të organizojë protesta përballë Paralmentit./Opinion.al
https://www.facebook.com/lulzimbasha.al/videos/311774293025273/
