Një 37-vjeçar ka humbur jetën si pasojë e një aksidenti rrugor.
Policia njofton se ngjarja ka ndodhur rreth orës 06:30 në Kalimash, ndërsa 37-vjeçari ka qenë duke drejtuar një trajler të ngarkuar me krom.
Për shkak të një manovre të gabuar, shoferi ka humbur kontrollin mbi drejtimin e automjetit dhe si pasojë trajleri ka rënë nga një lartësi.
“Rreth orës 06:30, në Kalimash, shtetasi S. L., 37 vjeç, duke drejtuar një automjet trajler të ngarkuar me krom, dyshohet se për shkak të një manovre të gabuar, ka humbur kontrollin mbi drejtimin e automjetit dhe si pasojë automjeti ka rënë nga një lartësi”, njofton policia.
Për shkak të dëmtimeve, shtetasi S. L. ka humbur jetën në vendngjarje.
Grupi hetimor po punon për sqarimin e rrethanave të aksidentit.
