Kryeministri Edi Rama ka deklaruar se Bashkimi Evropian është mundësia e vetme e Shqipërisë për lirinë dhe barazinë para ligjit.
Në një takim të dytë të nivelit të lartë “Shqipëria 2030 në BE”, Rama foli për prokurimet publike.
Rama njoftoi se po bashkëpunohet me Microsoft dhe grupin e Mira Muratit për vendosjen e inteligjencës artificiale në prokurimet publike, që do të eliminojë të paktën 95% e përfshirjes së njeriut në procesin e përzgjedhjes.
“Nk ka liri individuale dhe barazi para ligjit askund tjetër përveçse në këtë sistem që kemi zgjedhur, e në BE. Besoj që ne e kemi treguar dhe e tregojmë përditë që jemi shumë ambicioz, nuk mjafton të bëjmë minimumin, duhet të bëjmë maksimumin. Në shumë shembuj, mund të sjell shembullin e Prokurimeve Publike. Ne jemi vlerësuar më shumë nga vendet e rajonit, në diferencë nga vendi i dytë, sipas SIGMA. Por ndërkohë ne po punojmë për të krijuar një model revoluacionar të AI për prokurimet publike në bashkëpunim me Microsoft dhe me grupin e Mira Muratit, ne po bëjmë progress të konsidereshëm, e kemi besimin e arsyeshëm që vitin e ardhshëm do kemi një model të prokurorimeve publike pa përfshirjen e njeriut në 95% të procesit, që do thotë do kemi një instrument që do të çojë korrupsionin e mundësinë e korruptimit të proceseve të prokurimeve publike drejt 0, falë AI”, tha ai.