Shyhretja, nëna e një vajze të quajtur Sidorela, ditën e sotme ka prekur mbarë opinion publik me deklaratën e saj në rubrikën “Ka një mesazh për ty” në “E diela shqiptare”.
Sidorela, kohë më parë kishte një jetë tepër aktive, prezantonte evente, bënte një jetë si gjitha bashkëmoshataret e saj, dhe ishte valltare mirëpo pasi u martua, u detyrua të hiqte dorë nga të gjitha ëndrrat, duke i lënë ato përgjysmë.
Jeta i ndryshoi akoma edhe më shumë kur në shtëpinë e bashkëshortit të saj pati disa probleme duke përfshirë shpërthim tritoli dhe të shtëna armësh. Pas kësaj, Sidorela i dha fund martesës dhe prej asaj kohe është mbyllur në vetvete, nuk ushqehet dhe nuk bën jetën e mëparshme.
Nëna e Sidorelës rrëfeu se në mënyrë që të nxjerrë 22-vjeçaren nga shtëpia, hiqet si e sëmurë:
“U them infermiereve: Ju lutem, mos më bëni gjilpërë se kam ardhur vetëm për të nxjerrë vajzën nga shtëpia, nuk kam asgjë!”
Gazetarja e rubrikës “Ka Një Mesazh Për Ty” shkon këtë herë në Kamzë, për t’i dhënë mesazhin Sidorelës.
Ardit Gjebrea: Flasim pak bashkë, di që ti je artiste.
Sidorela: Dikur.
Ardit Gjebrea: Po pse dikur? Pse e ke lënë?
Sidorela: Sepse më duhet të zgjidhja dikë tjetër para meje, kështu që zgjodha atë.
Ardit Gjebrea: Përpara vetes? Sakrifikove veten, nuk bëheshin dot të dyja?
Sidorela: Nuk bëheshin, ishte zgjedhja o atë ose këtë.
Ardit Gjebrea: Po mirë, zgjedhja që bëre nuk të ndihmonte dot të realizoje ëndrrën tënde?
Sidorela: Jo.
Ardit Gjebrea: E ke diskutuar?
Sidorela: Shpesh herë.
Ardit Gjebrea: Po pse çfarë pengon? Kureshtar jam, thjeshtë për të bërë muhabet.
Sidorela: Çfarë e pengonte personin? Atë nuk e di, ndërsa mua më pengonte që nëse do vazhdoja rrugën time do humbisja atë. Kështu që zgjodha atë, sepse e ardhmja ishte krah tij, por m’u ndërprenë të dyja të ardhmet.
Ardit Gjebrea: Si i ke marëdhëniet sot me të ?
Sidorela: S’kam asnjë lloj marëdhënie. As nuk do doja të kisha.
Bashkë me balerinat e programit “E Diela Shqiptare” në fund të mesazhit Sidorela nisi vallen e para dhe moderatori Ardit Gjebrea e fton të jetë pjesë e “Telebingo Shqiptare”./Opinion.al
