Një 26 vjeçar nga Shkodra ka humbur jetën mëngjesin e sotëm në fshatin Torrovicë të Lezhës. Ai është qëlluar me automatik nga persona ende të paidentifikuar.
Policia tha se ngjarja ndodhi reth ores 06:15 në rrugën e vjetër Shkodër- Torrovicë, në kufirin ndarës me Shkodrën.
Viktima, Ajet Qokthi udhëtonte si pasagjer në furgonin e djalit të xhaxhait të tij me iniciale A.Q.
“Si pasojë e të shtënave ka humbur jetën Ajet Qokthi. Janë ngritur pika kontrolli e po bëhet krehja e zones me qëllim kapjen e autorëve”, njofton policia.
Mësohet se furgoni ku udhëtonin dy të rinjte përdorej për mbledhjen e qumështit tek fshatarët e zonës.
/Opinion.al
