Kryeministri Edi Rama, teksa njoftoi se nesër hapet zyrtarisht Tuneli i Murrizit, u zotua se për sa kohë ai të jetë në këtë detyrë, nuk do të ketë taksë për Rrugën e Arbrit.
“Sa të jem unë s’ka taksë!”,-tha ai.
“Detyrën ke bërë thonë, për të bërë detyrën pra zgjidhen qeveritë. Që kur kanë lindur, kanë lindur për të bërë detyrën, për të mbledhur taksa dhe me to për të bërë investime, për të përmirësuar jetesën e vendit. Vlerësohen se kush bën punë më të mira me lekët e popullit. Më në fund Rruga e Arbrit, plumb pushke nga Tirana në Dibër”, u shpreh kryeministri.
