Italia rikthen besimtarët në kisha nga 18 maji, por nën kushte të rrepta sigurie, të përshkruara në një protokoll të nënshkruar nga kryeministri Giuseppe Conte dhe Kardinali Gualtiero Bassetti, president i Konferencës së Peshkopëve italianë.
“Pastorët do të përcaktojnë numrin maksimal të njerëzve që mund të futen në Kishë duke qëndruar së paku një metër larg. Nëse ka kërkesa, duhet të mbahen mesha shtesë, në vend që të lejohen më shumë njerëz në kishë”, shkruhet në protokoll.
Kjo marrëveshje, i jep fund mospajtimeve që panemia shkaktoi midis Kishës dhe qeverisë.
Qeveria italiane ndaloi pjesëmarrjen në mesha në fillim të marsit, si pjesë e masave ndaluese ndaj tubimeve, për të parandaluar përhapjen e koronavirusit. Shumë besimtarë e kundështuan në atë kohë vendimin duke thënë se shërbimi i kishave duhet lejuar së bashku me aktivitete të tjera thelbësore, siç është blerja e ushqimeve.
Tensionet u rritën sërish në fund të muajit prill, kur qeveria Conte njoftoi një lehtësim gradual të masave bllokuese, por në to nuk e përfshi rikthimi i meshave. Kisha Katolike i tha qeverisë se nuk mund ta pranonin të shihnin ushtrimin e lirisë së fesë të komprometohej.
Shumica e kishave të Italisë kanë mbetur të hapura gjatë krizës, por vetëm për lutje individuale, teksa katolikët i kanë ndjekur meshat në televizion ose në internet./Opinion.al
