Ditën e sotme Këshilli i Lartë Gjyqësor ka nisur intervistat me tre kandidatët jo gjyqtarë, që synojnë të bëhen pjesë e Gjykatës së Lartë.
Pasi kaluan të gjitha filtrat, kandidatët Sokol Sadushaj, Ervin Pupe dhe Ilir Panda do të merren në pyetje nga Këshilli, para se emrat e tyre t’i përcillen Presidentit të Republikës.
Në mbledhjen e së mërkurës, KLGJ miratoi rregulloret që i hapin rrugë plotësimit të Gjykatës së Lartë me 6 anëtarë gjyqtarë që do të promovohen nga gjykata e Shkallës së Parë dhe të Dytë.
Ndërkohë, Këshilli miratoi vendimet për plotësimin e Gjykatës së Posaçme të Shkallës së Parë dhe të Apelit me nga 5 gjyqtarë./ Opinion.al
