Me një kombinim të natyrës, kulturës dhe historisë, jugu i Shqipërisë po tërheq gjithnjë e më shumë vizitorë çdo vit. Plazhet e mrekullueshme ofrojnë jo vetëm një vend për relaksim, por edhe mundësi për eksplorim e aventurë. Të huajt që vizitojnë këto plazhe shpesh përmendin mikpritjen e shqiptarëve si një pjesë të përvojës së tyre të pushimeve.
“Jam nga Polonia, është hera e parë në Shqipëri, askush s’ma sugjeroi vendin tuaj, por ishte ideja ime, se isha kurioze për plazhet këtu dhe jam shumë e kënaqur.”
“Është shumë bukur, deti, plazhet, panorama, njerëzit janë shumë të sjellshëm këtu, gjithçka, është hera ime e parë në Shqipëri.”
“Është hera e parë në Shqipëri, sot për plazh zgjodhëm Porto-Palermon, pasi jemi akomoduar në Sarandë. I gjithë jugu i këtij vendi është shumë i bukur, jeni shumë të dashur. Në total do të qëndrojmë 5 ditë. Një prej mikeshave të mia ma sugjeroi këtë vend, jemi duke kaluar pushime të mrekullueshme.”
Nga ana tjetër, edhe vizitorët vendas dhe emigrantët, çdo vit frekuentojnë këto plazhe.
Porto Palermo është kthyer në një destinacion mjaft tërheqës ku vendasit vlerësojnë mjaft edhe plazhet publike.
“Kam pothuajse mbi 10 vite që vij vazhdimisht vetëm këtu në jug. Në të gjithë jugun i marr çdo ditë me radhë. Shoh ndryshim që është mirë dhe ka më shumë vend publik për njerëzit e thjeshtë.”
“Gjithë pjesa e jugut, që nga Radhima, pas tunelit të Vlorës, më pëlqen që të eksploroj çdo gji, çdo det të mundshëm që mund të hyjë makina.”
“Jetojmë në Tiranë dhe kemi 5-6 ditë që jemi pozicionuar këtu në pjesën e jugut. Në fakt na pëlqen shumë. Sot është dita e parë në Porto Palermo. Mesa dinim më parë nuk ishte një plazh tepër publik, sot pamë që kishte më shumë çadra dhe më pak shezllone, dhe po na pëlqen.”
Riviera e detit Jon ka një mori plazhesh shkëmbore, secili unik dhe mikpritës, larg apo pranë qyteteve të mbushura me vizitorë, duke i ofruar çdo turisti tipologjinë e pushimeve që dëshiron. Klan News
