“Platent Ndreca merret i pandehur nga SPAK”, Bardhi publikon videon: Deputeti i Edi Ramës gënjeu kur tha që…
Kreu i grupit të PD, Gazment Bardhi ka reaguar pasi socialisti Plarent Ndreca është marrë i pandehur nga SPAK.
Në një postim në rrjetet sociale, Bardhi shkruan se deputeti i Edi Ramës gënjeu publikisht kur tha se nuk ishte nën hetim nga SPAK.
Bardhi gjithashtu publikon një video, kur gazetari Blendi Fevziu i drejtoi pyetjen e bërë prej tij, nëse Ndreca hetohej nga SPAK. Deputeti i PS dëgjohet teksa e mohon kategorikisht faktin se po hetohej nga Prokuroria e Posaçme.
REAGIM I KRYETARIT TË GRUPIT PARLAMENTAR TË PD, GAZMENT BARDHI:
Deputeti i Edi Ramës gënjeu publikisht kur deklaroi se është e pavërtetë që është nën hetim nga SPAK. Por, gënjeshtra mbulon zullumin vetëm për disa orë apo ditë, por e vërteta triumfon përgjithmonë!
E vërteta është që tenderat publik në Qeverinë e Edi Ramës janë kthyer në mundësi vetëm për klientë të paracaktuar, duke eleminuar garën dhe meritokracinë. Klientelizmi dhe korrupsioni janë e vetmja formë për të bërë biznes në Shqipëri gjatë qeverisjes së Edi Ramës.
Për këtë nevojiten zyrtar publik si Plarent Ndreca, që për shërbimet në shkelje të ligjit, për mbështetjen ndaj klientelizmit dhe korrupsionit, shpërblehen nga Edi Rama duke u promovuar si deputet!
