Kapet nga banorët duke shpërndarë lekë për blerje votash administratori i Tominit në Dibër, Nuri Meda së bashku me Shefki Ademin.
Ky njoftim është shpërndarë për mediat nga selia e Partisë Demokratike, ku thuhet se këta persona janë kapur në flagrancë me një makinë X5 të zezë, me targa AA909KH. Më tej thekson se ata ishin nën mbikqyrjen edhe të një furgoni të policissë së komisariatit me përgjegjës Robert Agën, thuhet në njoftimin e PDsë.
Nuri Meda dhe Robert Aga jane kallëzuar penalisht në prokurori për blerje votash. Një tjetër denoncim vjen nga PD.
Sipas tyre, këtë mbrëmje në fshatin Allabegi, njësia Administrative Maqellarë, Urim Beçaj, i cili është djali i kryeplakut Petrit Beçaj, është kapur duke shpërndarë para në këmbim të votës për kandidatin e mazhorancës në zgjedhjet për Bashkinë e Dibrës që mbahen këtë të dielë.
Sakaq edhe Xhezair Fejza, drejtor i shkolles 9 vjecare Sllove dhe Astrit Sulejmani jane kapur nga banoret duke shperndare para ne Sllove, si dhe Qamil Lata nga Staraveci eshte kapur nga banoret duke shperndare leke te shkolla bujqesore, tha PD
REAGON GJIKNURI
Pas denoncimit të PD-së, KA reaguar ministri i Energjetikës Damian Gjiknuri, i cili është angazhuar fuqishëm në fushatën zgjedhore në Dibër. Sipas Gjiknurit, eksponentë të Partisë Demokratike po ushtrojnë terror ndaj tyre dhe po dhunohen. “Hordhitë e PD me Bashën po ushtrojnë terror”, ka thënë Gjiknuri.
REAGON PS E DIBRES
Shtabi Elektoral i kandidatit të koalicionit “Aleanca për Shqipërinë Europiane” Muharem Rama denoncon ngjarjen kriminale të ndodhur pak minuta më parë në fshatin Pilafe. administratori i njesise Tomin Militantë të Partisë Demokratike kanë dhunuar barbarisht administratorin e komunës Tomin, 56 vjeçarin Nuri Meda në një kohë kur ai ishte në kryerje të detyrës së tij.
Meda ndodhet aktualisht në Spitalin e Dibrës në gjendje të rëndë. Dhunimi është kryer në kohën kur disa eksponentë të Partisë Demokratike me në krye Dritan Selishtën dhe grupin e kordinuar nga Agron Kuliçi ishin në veprim duke shpërndarë para për të blerë vota.
Të kapur në flagrancë ata kanë goditur barbarisht administratorin e komunës Tomin. Ky akt dhune vjen në vazhdën e presioneve dhe shantazheve që deputetët e Partisë Demokratike, militantët e saj dhe deri kryetari i kësaj force politike Lulzim Basha po ushtrojnë prej dy javësh në të gjitha njësitë administrative të Bashkisë Dibër./Panorama
