Zbardhet dëshmia e pilotit të helikopterit, të cilit iu desh të përleshej me Pola Roupa, gruan e një terroristi të dënuar dhe burgosur në Koridallos të Greqisë, të cilin ajo donte ta nxirrte të dielën me helikopter nga qelia.
Sipas mediave greke, piloti në dëshminë e tij ka treguar hap pas hapi se si e kuptoi që po përfshihej pa e kuptuar në një plan arratisjeje nga burgu famëkeq grek.
Ai ka thënë se si u përlesh me gruan e Nikos Maziotisit, kur helikopteri ishte në ajër dhe ajo i tha te drejtohej për në Athinë.
“Isha kontaktuar nga kompania të merrja nje klient nga Porto Heli dhe ta transportoja ate me nje ndalese ne Kythnos. Ajo ishte grua. Ata nga kompania me informuan se ajo donte t’i bënte një surprizë disa miqve. Më ishte thënë se në total do merrnim edhe 4 persona të tjerë”.
Më pas ai vijon të tregoje për efektivët bisedën që bëri me gruan, kur me armë në kokë ajo i kërkoi të kthehej në Athinë që të nxirrte nga burgu partnerin e saj të dënuar me 50 vjet heqje lirie.
“Kur arritëm mbi Reds, nxorri armën dhe ma drejtoi në kokë duke bërtitur: “Kthehu në Athinë”.
Në atë moment, për t’i hequr armën i kapa dorën. Pastaj më pickoi në faqe dhe më gjuajti, nisi të bërtiste si e çmendur”, e përshkruan situatën piloti.
Sipas asaj që është raportuar nga burimet policore sapo helikopteri u ul. gruaja e cila donte të arrinte në Koridallos, u largua me vrap dhe në panik humbi paruken qe kishte vendosur për të ndryshuar imazhin.
