Plakja e popullsisë dhe rritja e sëmundshmërisë në popullatë po shoqërohet edhe me rritje të medikamenteve dhe përdorimit të tyre nga qytetarët.
Sipas farmacistëve është një grup sëmundjesh të cilat po njohin rritje në popullatë dhe kanë kërkesë të lartë nga qytetarët për blerjen e medikamenteve.
“Barnat që trajtojnë hipertensionion, sëmundjet kardiovaskulare dhe diabetin, ndërsa për barnat pa përshkrimin e mjekut janë anti-inflamatorët, analagjesikët, antipiritikët, barnat që qetësojnë dhimbjen ulin temperaturën dhe antigripalët dhe ato që qetësojnë për kollën. Kërkesat për medikamente nga viti nga vit janë në rritje”, tha Gerian Sulmina, farmacist.
Vetëm vitin që lamë pas në vendin tonë janë importuar 6200 tonë produkte farmaceutike.
Viti 2024 shënoi edhe vlerën më të lartë që nga viti 2018 të barmave dhe pajisjeve mjekësorë të importuara në Shqipëri në afro 25 mld Lekë, duke tejkaluar edhe shifrat e viteve të pandemisë së Covid-19.
Sipas të dhënave zyrtare nga INSTAT, sëmundjet e qarkullimit të gjakut, të zemrës dhe tumoret janë shkaku kryesor i vdekjeve në Shqipëri.
Ekspertët e lidhin rritjen e sëmundshmërisë në popullatë me përdorimin e alkoolit e duhanit, kequshqyerjen, si dhe mungesën e aktivitetit fizik.
Tv Klan
