Një person ka mbetur i plagosur me armë zjarri rreth orës 19:30 në lagjen nr.13 të qytetit të Durrësit, në zonën e plazhit.
Mësohet se i plagosuri është dërguar me urgjencë në spital dhe ndodhet nën kujdesin e mjekëve.
Mësohet se i plagosuri është një 42-vjeçar, i cili është qëlluar me pistoletë në ambientet e një lokali ku ishte ulur pranë “Rrotës së kuqe”.
Burime nga policia thanë se shkak për konfliktin dyshohet të jetë bërë një borxh i pashlyer i autorit kundrejt të plagosurit. Nuk dihet ende shuma e parave për të cilat ka lindur sherri.
Policia është në vendngjarje dhe ka identifikuar autorin e plagosjes.
