Dy gjimnazistë janë përfshirë në një sherr në gjimnazin”Antoni Athanas” në Sarandë. Si pasojë ka mbetur i plagosur Konstadin Bodini.
Gjatë një konflikti ai është plagosur nga shoku i tij Kastriot Xhanga, i cili e ka qelluar me thikë dy herë mbi supe. Policia ka nisur hetimet për ngjarjen.
Njoftimi i policisë:
Më datë 23.10.2017, Salla Operative Sarandë njoftohet për një grindje midis dy të rinjëve në ambientet e ”Shkollës Ekonomike”, në lagjen ”Nr.3”, Sarandë.
Shërbimet Policore kanë shkuar në vendngjarje dhe nga verifikimi ka rezultuar se shtetasi K.B., 17 vjeç dhe K.Xh., 17 vjeç janë grindur me njëri-tjetrin duke përdorur edhe mjete të ftohta prerëse për motive të dobëta.
I dëmtuar ka mbetur shtetasi K.B., i cili po merr ndihmën mjekësore në Spitalin e Sarandës, dhe është jashtë rrezikut për jetën.
Policia ka sekuestruar në cilësinë e provës materiale nga vendi i ngjarjes mjetin prerës tip (biçak).
Gjithashtu ka shoqëruar në ambientet Policore shtetasin K.Xh., dhe po punon për sqarimin e plotë të grindjes midis dy të rinjëve.
