Një 18-vjeçar është vënë në pranga nga policia, pasi pas një konflikti të çastit, në njësinë administrative Ostren, në Bulqizë, ka plagosur me thikë një 25-vjeçar.
Policia bën me dije se është arrestuar A.A., 18 vjeç, banues në Ostren.
Gjatë këtij konflikti ka ndërhyrë për ti ndarë dhe shtetasi K.K., i cili ka pësuar lëndime të lehta trupore. Grupi hetimor po punon për zbardhjen e ngjarjes.
“Në orët e vona të mbrëmjes së djeshme në njësinë administrative Ostren, pas një konflikti të çastit, shtetasi A.A., 18 vjeç, banues në Ostren, ka plagosur me thikë shtetasin B.K.,25 vjeç, banues po në Ostren, i cili po merr ndihmë mjekësore në spital. Gjatë këtij konflikti ka ndërhyrë për ti ndarë dhe shtetasi K.K., i cili ka pësuar lëndime të lehta trupore.
Falë veprimeve të shpejta hetimore operacionale, nga shërbimet e Policisë Bulqizë dhe strukturat Hetimore të Drejtorisë Vendore të Policisë Dibër, u bë e mundur kapja dhe arrestimi 18-vjeçarit, si autor i dyshuar i ngjarjes.
Vijojnë veprimet hetimore nga grupi hetimor nën drejtimin e Prokurorisë, për zbardhjen e plotë të rrethanave të ngjarjes”-njofton policia.
