Është zbardhur plagosja me armë zjarri e ndodhur ditën e sotme në zonën e “Bërrylit”, pranë maternitetit të ri.
Një 19-vjeçar mbeti i plagosur me armë zjarri në këmbë pas disa të shtënave që terrorizuan zonën. Mirëpo, nuk bëhet fjalë për një konflikt. Sipas burimeve brenda Policisë, mësohet se i plagosuri V.V. 19 vjeç është plagosur rastësisht. Burimet thonë se autori është një baba, i cili kishte dalë me fëmijën e tij.
Papritur, fëmijës i është vërsulur një qen i racës pitbull dhe e ka kafshuar. I zënë në panik, babai ka nxjerrë një armë zjarri dhe ka qëlluar disa herë ndaj qeni pitbull dhe e ka vrarë atë.
Mirëpo, një plumb ka kapur rikoshet edhe V.V. që ishte kalimtar i rastit.
Burimet thonë se pronari i qenit nuk ishte prezent në momentin kur ndodhi ngjarja.
