Policia e Shkodrës ka reaguar në lidhje me ngjarjen e ndodhur pak çaste më parë në Postribë, ku u plagos me armë zjarri Çel Shabaj.
Përmes një reagimi zyrtarë, blutë bëjnë me dije se ka parandaluar një përshkallëzim të një konflikti me armë zjarri, falë ndërhyrjes në kohë të forcave “Shqiponja”.
Dyshohet se gjatë një konflikti të çastit, për motive të dobëta, shtetasi K. K., ka plagosur në këmbë 43-vjeçarin i cili ndodhet në kujdesin e mjekëve, jashtë rrezikut për jetën.
Sipas njoftimit, mësohet se është bërë identifikimi dhe shoqërimi i 3 shtetasve për veprime të mëtejshme, mes tyre dhe autori i dyshuar.
Njoftimi i plotë i policisë:
Policia parandalon përshkallëzimin e një konflikti me armë zjarri, falë ndërhyrjes në kohë të forcave “Shqiponja”
Si rezultat i veprimeve të shpejta, Policia identifikoi, kapi dhe shoqëroi në Komisariat për veprime të mëtejshme autorin e dyshuar dhe dy shtetas të tjerë.
Policia gjeti e sekuestroi në cilësinë e provës materiale armën e zjarrit pistoletë me të cilën dyshohet se u plagos 43-vjeçari.
Rreth orës 20:40, në Postribë, dyshohet se gjatë një konflikti të çastit, për motive të dobëta, shtetasi K. K., dyshohet se ka plagosur me armë zjarri në këmbë shtetasin Ç. Sh., 43 vjeç, i cili ndodhet në kujdesin e mjekëve, jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin dhe shoqërimin e 3 shtetasve për veprime të mëtejshme, mes tyre dhe autori i dyshuar.
Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.
