Policia ka zbardhur detaje lidhur me ngjarjen e ndodhur në Krujë, ku mbeti i plagosur një person gjatë ditës së sotme.
Përmes një njoftimi zyrtar, uniformat blu njoftojnë se shtetasi I. K., 52 vjeç, dyshohet se ka plagosur me armë zjarri, shtetasin Agron Asllanin, 42 vjeç, për shkaqe ende të panjohura.
Si pasojë e plagosjes, 42-vjeçari është dëmtuar dhe ndodhet në spital, në kujdesin e mjekëve.
“Rreth orës 13:00, në fshatin Bru Zallë, Krujë, shtetasi I. K., 52 vjeç, dyshohet se ka plagosur me armë zjarri, shtetasin Agron Asllanin, 42 vjeç, i cili si pasojë është dëmtuar dhe ndodhet në spital, në kujdesin e mjekëve”, njofton policia.
Shërbimet e Policisë po vijojnë krehjen e zonës për kapjen e autorit të dyshuar. Grupi hetimor po punon për sqarimin e rrethanave të ngjarjes./Opinion.al
