Një 36-vjeçar është arrestuar nga Policia e Vlorës, pasi dyshohet se është përfshirë në plagosjen me armë zjarri në Radhimë me 8 prill.
Operacioni është zhvilluar nga Sektori për Krimet ndaj Personit pranë Drejtorisë Vendore të Policisë Vlorë, në bashkëpunim me Komisariatin e Policisë Vlorë.
”Strukturat e Drejtorisë Vendore të Policisë Vlorë, në vijim të punës intensive për kapjen e personave në kërkim, falë bashkëpunimit të ngushtë me qytetarët, kanë organizuar punën, duke finalizuar me sukses operacionin “Bashkëpunimi”, për kapjen dhe ndalimit e shtetasit: E. Sh., 36 vjeç, banues në Radhimë, Vlorë. Ky shtetas dyshohet të jetë një nga autorët e implikuar në ngjarjen e ndodhur më 8 prill, në aksin rrugor Radhimë-Orikum, ku në bashkëpunim me një shtetas tjetër, ka plagosur lehtë me armë zjarri shtetasin D. K”, njofton policia.
Ermal Sherifaj në bashkëpunim me Dean Kapaj i cili u arrestua pak ditë më parë, janë autorë të dyshuar të plagosjes së D.K., 32 vjeç.
Gjykata e Shkallës së Parë Vlorë i ka caktuar masën e sigurisë “Arrest në burg”, për veprat penale “Kanosja”, “Plagosja e lehtë me dashje” dhe “Armëmbajtja pa leje”.
Materialet do t’i referohen Prokurorisë së Vlorës, për veprime të mëtejshme./ Opinion.al
