Policia ka dhënë informacion zyrtar lidhur me plagosjen e ndodhur ditën e sotme me armë zjarri në Kurbin.
Mësohet se pas një konflikti për motive të dobëta mes dy gjimnazistëve është qëlluar me armë zjarri jashtë murit rrethues të shkollës një 15-vjeçar i identifikuar me inicialet L. Rr.
Autori i kësaj ngjarje është shtetasi A.Gj. 17 vjeç, gjithashtu nxënës i gjimnazit, i cili është larguar nga vendi i ngjarjes.
Shërbimet e Policisë po vijojnë kontrollet me qëllim lokalizimin e kapjen e autorit.
Grupi hetimor nën drejtimin e prokurorit, njëkohësisht vazhdon veprimet hetimore në vendin e ngjarjes për zbardhjen e plotë të rrethanave të ngjarjes.
