Detaje të tjera janë zbuluar nga atentati i sotëm në Shijak, ku mbeti i plagosur Shpend Lima, rreth 40 vjeç, punonjës i Bashkisë së Shijakut.
Lima është dërguar në Spitalin e Traumës tashmë dhe gjendet në reanimacion, jashtë rrezikut për jetën.
Por si ndodhi ngjarja. Shpend Lima është punonjës i Policisë Bashkiake në Shijak. Ai mban pozicionin e rojës së institucionit.
Pas përfundimit të turnit, ai është kthyer në shtëpi dhe më pas ka dalë në oborr rreth orës 18:30.
Teksa qëndronte në oborr, persona të paidentifikuar i janë afruar dhe e kanë qëlluar me armë zjarri. Për pasojë ai ka marrë një plumb në gjymtyrët e poshtme.
Policia ka nisur menjëherë hetimet dhe punën për kapjen e autorëve. Gjithashtu, po hetohen edhe konfliktet e mundshme që mund të ketë patur Lima.
