TIRANË- Plagosja e një gjyqtari mbrëmë në Tiranë është e veshur me mister. Në fakt ai ka marrë lagë të lehta dhe pas mjekimit është kthyer po mbrëmë në banesë. Vetë Gjermeni pretendon se ai është plagosur në garazhin e makinës pasi i ka rënë qepeni. Por burime nga spitali thanë se plagët ishin shkaktuar një mjet prerës që mund të jetë thikë.
Prokuroria ka nisur hetimet për zbardhjen e plotë të rrethanave të kësaj ngjarjeje. Dyshohet se ndaj Gjermenit ka patur një sulm për shkak të detyrës.
“Ishte thjesht aksidentale, u plagosa me llamarinë pse e beni kaq alarmante”, është shprehur Gjermeni mbrëmë teksa linte spitalin.
Sakaq edhe policia i qendron variantit të gjyqtarit për ngjarjen. “Shtetasi A.Gj, ka shkuar te marre mjekim ne spitalin “Nene Tereza”, pasi ka deklaruar se aksidentalisht eshte prere me nje mjet preres llamarine ne shtepine e vete”, thuhet në njoftimin e policisë.
*Garazhi ku ndodhi ngjarja, ne pallatin e Gjermenit, ne rrugen e Elbasanit
