Pesë minatorë kanë mbetur të plagosur në minierën e Klosit. Ngjarja ka ndodhur pasi dy prej tyre kanë rënë në kontakt me një minë të pa plasur, e cila ka shpërthyer.
Tre prej të plagosurve janë dërguar për në Tiranë, ndërsa dy të tjerë janë transportuar në spitalin e Burrelit.
“Më datë 22.02.2018, rreth orës 01-00 , në galerinë e minierës me hyrje në fshatin Shëngjun, Klos, dhe me drejtim nga qyteti i Bulqizës, gjatë punës janë dëmtuar 5 punëtorë.
Menjëherë është ngritur grupi hetimor ku nga verifikimet paraprake kanë konstatuar se: Grupi i punëtorëve i ndërtimit të minierës në tranverbangun e minierës gjatë punës, dy prej tyre kanë rënë në kontakt me një minë të pa plasur, e cila ka shpërthyer dhe për pasojë janë dëmtuar edhe tre punëtorët e tjerë që ndodheshin në këtë front”,sqaroi policia.
Të dëmtuarit janë :
Q.L, 49 vjeç
SH.L, 32 vjeç,
R.S, 57 vjeç, (janë dërguar për ndihmë më të specializuar drejt Tiranës,)
K.M, 31 vjeç,
B.H, 28 vjeç, po marrin ndihmë mjekësore në spitalin e Burrelit dhe ndodhen jashtë rrezikut për jetën.
Në ndihmë të Grupit hetimor kanë shkuar ekspertët e RISHMIT, për të vijuar hetimet për zbardhjen e plotë të ngjarjes.
