Policia ka dhënë detaje lidhur me plagosjen e ndodhur këtë të hënë në Shkodër.
Në një njoftim për mediat, bëhet me dije se ngjarja ka ndodhur rreth orës 09:00, në vendin e quajtur “Dollari”, ku është plagosur me armë zjarri shtetasi A. C., 40 vjeç, i cili është dërguar në spital dhe po merr ndihmën mjekësore.
Efektivët e Policisë kanë shkuar në vendngjarje dhe po kontrollojnë zonën, për kapjen e autorit, ndërkaq janë ngritur pika kontrolli dhe vijon krehja e zonës.
“Rreth orës 09:00, në vendin e quajtur “Dollari”, është plagosur me armë zjarri shtetasi A. C., 40 vjeç, i cili është dërguar në spital dhe po merr ndihmën mjekësore.
Shërbimet e Policisë kanë shkuar menjëherë në vendngjarje dhe po kontrollojnë zonën, për kapjen e autorit.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit.
Ndërkohë, janë ngritur pika të shumta kontrolli. Forcat e Sigurisë Kombëtare po vijojnë krehjen e zonës, për kapjen e autorit, i cili dyshohet se është larguar në brendësi të lagjeve të qytetit”-njofton policia.
