Një 16-vjeçar në Fushë-Krujë ka rënë në prangat e policisë pasi ka plagosur me thikë vëllain e tij.
Sipas njoftimit të policisë 16-vjeçari me iniciale O.O ka goditur me thikë vëllain e tij 22-vjeçarin me iniciale A.O për motive të dobëta, pas një konflikti të çastit.
Mësohet se në cilësinë e provës materiale, blutë kanë sekuestruar thikën me të cilën 16-vjeçari ka plagosur vëllain e tij.
Njoftimi i Policisë:
“Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O.O.,16 vjeç, banues në Luz, Fushë-Krujë”- njofton policia duke shtuar se ‘Adoleshenti, pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A.O.,22 vjeç. Në cilësinë e provës materiale u sekuestrua mjeti prerës (thikë)”./Opinion.al/
