Një 17-vjeçar ka plagosur me thikë një 32-vjeçar në një lokal të Vlorës, në lagjen “Pavarësia”.
Sipas uniformave blu dyshohet se konflikti ka ndodhur për motive të dobëta.
32-vjeçari është dërguar menjëherë në spitalin e Traumës, ndërkohë 17-vjeçari i arrestuar mësohet se ka thyer masën e sigurisë “Arrest në shtëpi” për veprën penale “Vjedhje me dhunë”.
“Policia arrestoi shtetasin P. K., 17 vjeç, pasi në orët e para të ditë së sotme, në një lokal në lagjen “Pavarësia”, dyshohet se gjatë një konflikti për motive të dobëta, ka goditur me mjet prerës (thikë), shtetasin A. Gj., 32 vjeç, i cili po merr ndihmë mjekësore në spitalin e Traumës. Nga verifikimet e kryera rezultoi se 17-vjeçari kishte thyer masën e sigurisë “Arrest në shtëpi”, për veprën penale “Vjedhja me dhunë””, njofton policia.
