Një 57-vjeçar është plagosur aksidentalisht gjatë orarit të punës në Sarandë. Sipas njoftimit të policisë, Ndue Nikolli është punëtor ndërtimi në Sarandë dhe është rrëzuar.
Mësohet se Nikolli ka dëmtime në kokë dhe është paraqitur për ndihmë mjekësore në urgjencën e qytetit.
Pas ndihmës së parë është transportuar drejt spitalit të Traumës me helikopter. Policia ndodhet në vendin e ngjarjes, por ende nuk ka informacion më tepër.
Njoftimi i policisë:
Sarandë/Informacion paraprak
Sot, rreth orës 13:00, në lagjen nr. 1, gjatë punimeve të brendshme, në katin e dytë të një pallati në pronësi të shtetasit A. R, dyshohet se është dëmtuar aksidentalisht në pjesën e kokës shtetasi N. N., 57 vjeç (punëtor), i cili është transportuar në spitalin e Traumës, Tiranë, për mjekim të specializuar.
Grupi hetimor vijon punën për zbardhjen e plotë të rrethanave të ngjarjes.
