Një plagosje me thikë ka ndodhur ditën e sotme në Shkodër.
Sipas uniformave blu mësohet se ka mbetur i plagosur këngëtari 30-vjeçar, Ademir Fresku.
Policia njofton se plagosja ka ndodhur pas një konflikti të çastit pranë sheshi “Demokracia”.
“Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.
Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën.
Shërbimet e Policisë po vijojnë kontrollet për kapjen e shtetasit Gj. B.
Grupi hetimor, në drejtimin e Prokurorisë, po punon për zbardhjen e rrethanave të rastit”, njofton policia.
