Një plagosje me armë zjarri ka ndodhur ditën e sotme në Mamurras.
Sipas informacioneve zyrtare nga policia, bëhet me dije se ngjarja ka ndodhur në rrethana ende të paqarta, teksa 60-vjeçari i identifikuar me inicialet M.L, është jashtë rrezikut për jetën.
Mësohet se policia dhe grupi hetimor ndodhet në vendngjarje dhe po punon për zbardhjen e plotë të shkaqeve. E gjithë zona po krihet nga shërbimet e Policisë të Lezhës, të Komisariatit të Policisë Kurbin dhe FNSH-së me qëllim identifikimin dhe kapjen e autorit.
NJOFTIMI I POLICISË
Rreth orës 13:25, në Mamurras,Kurbin, në rrethana ende të paqarta është plagosur me armë zjarri shtetasi M.L.,60 vjeç,banues në fshatin Gjorëm,Kurbin i cili është transportuar në spital dhe ndodhet nën kujdesin mjekësor, paraprakisht jashtë rrezikut për jetën.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve./Opinion.al
