Dy turistë çek janë plagosur aksidentalisht teksa kishin shkuar për të vizituar Thethin. Ngjarja ka ndodhur sot pasdite dhe aktualisht turistët po transportohen për në spitalin e Shkodrës.
Opinion.al ka arritur të mësojë përmes burimeve në vendin e ngjarjes se dy turistët po udhëtonin me një motor kur kanë rënë tek ujëvara e Grunasit.
Dyshohet se pakujdesia dhe mungesa e masave të sigurisë të jenë bërë shkak i aksidentit. Nuk kanë dëmtime të rëndë, njëri ka thyer krahun dhe tjetri plagosje të lehtë, thonë burimet. Banorët e fshatit janë vënë në ndihmë të tyre dhe po i transportojnë në Shkodër.
Aksidenti ndodhi në vendin ku dy vite më parë gjeti vdekjen aksidentalisht një tjetër turist çek.
