Ai është një nga reperat më të njohur të grupit OTR, kjo më tepër edhe për shkak të pseudonimit të veçantë, Varrosi.
Në një intervistë për “Thumb” ai ka treguar se arsyeja përse e quan veten Varrosi ka të bëjë me faktin e bërjes muzikë nëntokësore, pra muzikë underground. Ai është shprehur rreth sherrit Enca dhe Noizy, ku ka thekuar se nuk i pëlqejnë sherret brenda grupit, për këtë arsye ka qenë si një “ndërmjetës mes tyre.
“Me Encën e kam marrëdhëniet shumë të mira, kam shumë respekt për të,”-thotë Varrosi. Gjithashtu ai ka theksuar se ata e mbajnë mjaft të fshehtë arsyen e vërtetë të sherrit mes tyre dhe se ai nuk kishte dijeni. Sipas tij Enca thellë në zemër është dhe do të mbetet një OTR. Sa i përket se kujt i jep të drejtë Varrosi ai ka theksuar se mban anën e Noizyt, por edhe Encën e ka përzemër.
