Është arrestuar në Tiranë një 25-vjeçar, i kërkuar nga autoritetet e drejtësisë spanjolle, pasi ai është pjesëtar i një grupi kriminal në fushën e kultivimit dhe prodhimit të kanabisit.
Në kuadër të operacionit policor të koduar “Castellon 2”, është bërë e mundur kapja dhe arrestimi provizor me qëllim ekstradimin drejt Spanjës i shtetasit:
Geraldo Skënderi, 25 vjeç, banues në Maqellarë, Dibër.
Arrestimi provizor i këtij shtetasi u bë pasi Gjykata e Castellon Spanjë, i ka caktuar masën e sigurisë “Arrest në burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”, të parashikuar nga Kodi Penal i Spanjës.
Ky shtetas në bashkëpunim me shtetas të tjerë shqiptarë e spanjollë, merrnin shtëpi me qera në zonën e Castellonit dhe i përshtatnin për të kultivuar bimë narkotike me anë të llambave.
Interpol Tirana vijon procedurat ligjore për ekstradimin e tij drejt Spanjës./Opinion.al
