Në përgjimet e publikuara nga BILD ish deputeti socialist (tani kandidat për Bashkinë e Leshës), Pjerin Ndreu diskuton me drejtorin e arsimit të Dibrës që t’i bëjë presion mësuesve për të votuar për socialistët ose përndryshe do të pushohen nga puna.
Ndreu i thotë Reçit të flasë me një drejtor shkolle, ta kërcënojë me pushim nga puna në rast se nuk deklaron hapur votën për Partinë Socialiste.
Por në një lidhje telefonike në emisionin Opinion, Ndreu ishte i paqartë në ato se çfarë deklaroi.
Pjerin Ndreu tha se i kërkoi votën hapur drejtorit të shkollës sepse ai ishte kryetar i PS-së të atij rrethi.
“Reshat Elezi ka qenë kryetar i PS së rrethit, unë kam kërkuar që ai të votojë PS dhe kjo është krejt normale. Nuk i kam thënë për lista mësuesish. Unë i kam kërkuar si socialist. Nuk ia kisha telefonin, kisha numrin e Drejtorit të Arsimit. Ju më thoni mua që i kam bërë presion kryetarit të Partisë Socialiste”, tha Ndreu.
Ku do fluturonte kryetari i PS-së?
Pjerin Ndreu: Do ikte nga kryetari i Partisë Socialiste. Ia thash unë…
Gjatë debatit u fut gazetarja Klodiana Lala, e cila tha se pas zgjedhjeve drejtori i shkollës është pushuar nga puna. Ish-deputeti tha se nuk ishte pyetur nga prokuroria e Krimeve të Rënda për këto përgjime./ Opinion.al
